READ OUT LOUD. Choose which marked text you prefer to practice with - macrons or accent marks - and read the text out loud until you feel comfortable and confident. Then, try reading the unmarked text at the bottom. It should be easy for you after practicing with the marked texts. :-)
MACRONS. Here is the text with macrons:
Canis molossus nōn modo ad lupōs sed etiam ad ursōs expugnandōs validus, cum asinō, quī saccum pānibus plēnum ferēbat, longum iter fuerat ingressus. Inter eundum autem obortā famē, asinus prātum offendēns, largē ventrem virentibus herbīs implēvit. Canis autem asinum rogābat, ut aliquantulum pānis sibi daret, nē perīret inediā. At ille nōn sōlum pānem nōn dabat, sed canem irrīdēns, illī ut sēcum herbās pasceret cōnsulēbat. Interim lupum advenientem asinus cōnspicātus, canem rogābat, ut sibi esset auxiliō. Cui canis : Tū mihi, inquit, cōnsuluistī, ut adversus famem herbās pascerem; egō quoque tibi cōnsulō, ut tē adversus lupum ferrātīs calcibus tueāris. Haec cum dīxisset, abiēns, ingrātum comitem et raptōris suī mox cibum futūrum in pugnā dēseruit. Fābula indicat, quī indigentibus expetīta nōn praestat auxilia, ab aliīs quoque necessitātis tempore solēre dēstituī.
ACCENT MARKS. Here is the text with ecclesiastical accents, plus some color-coding for the words of three or more syllables (blue: penultimate stress; red: antepenultimate stress):
Canis molóssus non modo ad lupos sed étiam ad ursos expugnándos válidus, cum ásino, qui saccum pánibus plenum ferébat, longum iter fúerat ingréssus. Inter eúndum autem obórta fame, ásinus pratum offéndens, large ventrem viréntibus herbis implévit. Canis autem ásinum rogábat, ut aliquántulum panis sibi daret, ne períret inédia. At ille non solum panem non dabat, sed canem irrídens, illi ut secum herbas pásceret consulébat. Ínterim lupum adveniéntem ásinus conspicátus, canem rogábat, ut sibi esset auxílio. Cui canis : Tu mihi, inquit, consuluísti, ut advérsus famem herbas páscerem; ego quoque tibi cónsulo, ut te advérsus lupum ferrátis cálcibus tueáris. Haec cum dixísset, ábiens, ingrátum cómitem et raptóris sui mox cibum futúrum in pugna deséruit. Fábula índicat, qui indigéntibus expetíta non praestat auxília, ab áliis quoque necessitátis témpore solére destítui.
UNMARKED TEXT. Here is the unmarked text - after practicing with the marked text that you prefer, you should not have any trouble with the unmarked text:
Canis molossus
non modo ad lupos
sed etiam ad ursos
expugnandos validus,
cum asino,
qui
saccum panibus plenum ferebat,
longum iter fuerat ingressus.
Inter eundum autem
oborta fame,
asinus
pratum offendens,
large ventrem virentibus herbis implevit.
Canis autem
asinum rogabat,
ut aliquantulum panis sibi daret,
ne periret inedia.
At ille
non solum panem non dabat,
sed canem irridens,
illi
ut secum herbas pasceret consulebat.
Interim
lupum advenientem
asinus conspicatus,
canem rogabat,
ut sibi esset auxilio.
Cui canis :
Tu mihi, inquit, consuluisti,
ut adversus famem herbas pascerem;
ego quoque tibi consulo,
ut te adversus lupum
ferratis calcibus tuearis.
Haec cum dixisset,
abiens,
ingratum comitem
et raptoris sui mox cibum futurum
in pugna deseruit.
Fabula indicat,
qui
indigentibus
expetita non praestat auxilia,
ab aliis quoque
necessitatis tempore solere destitui.
IMAGE. Here is an illustration for the story (image source) showing a dog and a donkey:
