Wednesday, February 10, 2010

Lupus et Haedus (Osius)

SOURCE: The poem comes from Phryx Aesopus Habitu Poetico, by Hieronymus Osius, published in 1574, and online at the University of Mannheim as page images and text scan. This is poem 24 in the collection. For parallel versions, see Perry 572.

READ OUT LOUD. Choose which marked text you prefer to practice with - macrons in verse form, or macrons in prose order, or accent marks in prose order, or focusing on the meter. You will find materials for all of these options below. :-)


VERSE MACRONS. Here is the verse text with macrons:

Capra exīre volēns in pascua praecipit Haedō,
Audeat ut caulae nōn aperīre forēs.
Discēdente Lupus quā sē mox vōce parentem
Exīlī simulāns īnsidiātor adest.
Et clausās aperīre forēs iubet obiice praedō,
At subolēns fraudem prōvidus Haedus ait:
Barbā nullā cārēns admittī bestia nōbīs
Dēbet, id hinc peregrē iussit itūra parēns.
Grāta Deō pietas reverērī iussa parentum,
Praemia nōn umquam cuī sua deesse sinit.


PROSE MACRONS. Here is the same text with macrons written out in prose word order:

Capra volēns in pascua exīre Haedō praecipit, ut nōn audeat caulae forēs aperīre. Caprā discēdente mox Lupus īnsidiātor adest simulāns exīlī vōce sē parentem, et praedō iubet forēs obiice clausās aperīre, at Haedus prōvidus, fraudem subolēns, ait: Bestia nullā barbā cārēns nōbīs admittī dēbet, parēns hinc peregrē itūra id iussit. Iussa parentum reverērī pietas, Deō grāta, cuī praemia sua nōn umquam deesse sinit.


STRESS (ACCENT) MARKS. Here is the prose text with accents, plus some color-coding for the words of three or more syllables (blue: penultimate stress; red: antepenultimate stress):

Capra volens in páscua exíre Haedo praécipit, ut non aúdeat caulae fores aperíre. Capra discedénte mox Lupus insidiátor adest símulans exíli voce se paréntem, et praedo iubet fores óbiice clausas aperíre, at Haedus próvidus, fraudem súbolens, ait: Béstia nulla barba carens nobis admítti debet, parens hinc péregre itúra id iussit. Iussa paréntum reveréri píetas, Deo grata, cui praémia sua non umquam deésse sinit.


ELEGIAC COUPLET METER. Below I have used an interpunct dot · to indicate the metrical elements in each line, and a double line || to indicate the hemistichs of the pentameter line.

Capr~ ex·īre vo·lēns in· pascua· praecipit· Haedō,
Audeat· ut cau·lae || nōn ape·rīre fo·rēs.
Discē·dente Lu·pus quā· sē mox ·vōce pa·rentem
Exī·lī simu·lāns || īnsidi·ātor a·dest.
Et clau·sās ape·rīre fo·rēs iubet· obiice· praedō,
At subo·lēns frau·dem || prōvidus· Haedus a·it:
Barbā nul·lā cā·rēns ad·mittī· bestia· nōbīs
Dēbet, id· hinc pere·grē || iussit i·tūra pa·rēns.
Grāta De·ō pie·tas reve·rērī· iussa pa·rentum,
Praemia ·nōn um·quam || cuī sua· deesse si·nit.


IMAGE. Here's an illustration for the fable (image source):


What follows is an unmarked version of the prose rendering to faciliate word searches: Capra volens in pascua exire Haedo praecipit, ut non audeat caulae fores aperire. Capra discedente mox Lupus insidiator adest simulans exili voce se parentem, et praedo iubet fores obiice clausas aperire, at Haedus providus, fraudem subolens, ait: Bestia nulla barba carens nobis admitti debet, parens hinc peregre itura id iussit. Iussa parentum revereri pietas, Deo grata, cui praemia sua non umquam deesse sinit.