READ OUT LOUD. Choose which marked text you prefer to practice with - macrons or accent marks - and read the text out loud until you feel comfortable and confident. Then, try reading the unmarked text at the bottom. It should be easy for you after practicing with the marked texts. :-)
MACRONS. Here is the text with macrons:
Agnus ē purissimō rīvō quondam bibēbat, cum advēnit lupus iēiūnus, quī "Unde tibi" inquit īrātus "ista audācia, quā aquam mihi bibentī turbidam faciās? Haud inulta erit temeritās tua." Cui agnus "Nōlī" inquit, "domine, īrāscī; immō hoc animadverte, mē plūs quam vīgintī passūs īnfrā tē bibere, ut fierī nōn possit ut aquam tibi turbidam faciam." "Aiō" inquit alter "tē eam turbidam facere; et certō sciō tē mihi annō ante male dīxisse." "Quō modō potuī, nōndum nātus? Mātris ūbera adhūc hauriō." "At frāter saltem fuit tuus." "Frāter mihi nēmō est." "At tamen ē tuis fuit ūnus. Numquam enim vōs mihi parcitis cum pāstōribus canibusque vestrīs. Monent meī ut ista ulcīscar." Hīs verbīs illum indictā causā in mediam silvam abreptum comēdit.
ACCENT MARKS. Here is the text with ecclesiastical accents, plus some color-coding for the words of three or more syllables (blue: penultimate stress; red: antepenultimate stress):
Agnus e puríssimo rivo quondam bibébat, cum advénit lupus ieiúnus, qui "Unde tibi" inquit irátus "ista audácia, qua aquam mihi bibénti túrbidam fácias? Haud inúlta erit teméritas tua." Cui agnus "Noli" inquit, "dómine, irásci; immo hoc animadvérte, me plus quam vigínti passus infra te bíbere, ut fíeri non possit ut aquam tibi túrbidam fáciam." "Aio" inquit alter "te eam túrbidam fácere; et certo scio te mihi anno ante male dixísse." "Quo modo pótui, nondum natus? Matris úbera adhuc haúrio." "At frater saltem fuit tuus." "Frater mihi nemo est." "At tamen e tuis fuit unus. Numquam enim vos mihi párcitis cum pastóribus canibúsque vestris. Monent mei ut ista ulcíscar." His verbis illum indícta causa in médiam silvam abréptum comédit.
UNMARKED TEXT. Here is the unmarked text - after practicing with the marked text that you prefer, you should not have any trouble with the unmarked text; I've inserted spaces between the segments to make it easier to follow:
Agnus
e purissimo rivo
quondam bibebat,
cum advenit lupus ieiunus,
qui "Unde tibi" inquit iratus
"ista audacia,
qua
aquam mihi bibenti
turbidam facias?
Haud inulta erit
temeritas tua."
Cui agnus
"Noli" inquit, "domine, irasci;
immo hoc animadverte,
me
plus quam viginti passus
infra te bibere,
ut fieri non possit
ut aquam
tibi turbidam faciam."
"Aio" inquit alter
"te
eam turbidam facere;
et certo scio
te
mihi anno ante male dixisse."
"Quo modo potui,
nondum natus?
Matris ubera adhuc haurio."
"At frater saltem fuit tuus."
"Frater mihi nemo est."
"At tamen
e tuis fuit unus.
Numquam enim
vos mihi parcitis
cum pastoribus canibusque vestris.
Monent mei
ut ista ulciscar."
His verbis
illum
indicta causa
in mediam silvam abreptum
comedit.
IMAGE. Here is the illustration of the fable by Aractingy:
