Friday, April 23, 2010

Pastor et Mare (Camerarius)

SOURCE: Fabulae Aesopicae by the great 16th-century scholar Ioachim Camerarius in a 1702 reprint at GoogleBooks. This is number 48 in the collection. For more information and other versions of this fable, see the links list for Perry 207.

READ OUT LOUD. Choose which marked text you prefer to practice with - macrons or accent marks - and read the text out loud until you feel comfortable and confident. Then, try reading the unmarked text at the bottom. It should be easy for you after practicing with the marked texts. :-)


MACRONS. Here is the text with macrons:

Pastōrem, quī gregem suum forte appulisset ad mare, cum cerneret illud stāre placidum et quiētum, cupiditas incessit nāvigandī et mercātūrās faciendī. Venditīs igitur ovibus suīs, mercātur palmās et in nāvem impōnit atque ita in altum prōvehitur. Orta autem tempestāte, cum perīculum esset, nē nāvis fluctibus dēprimerētur, mercibus ēiectīs in undās, aegrē vacua nāvis fuit cōnservāta. Post diēs pauculōs, cum ad mare pastor tristis sedēret, praetereunte quōdam, et sēcum tranquillitātem maris, nam tempestas abierat, admīrante: Egō, inquit pastor, sciō quid sibi velit haec maris tranquillitas, nam aliās palmās profectō quaerit, quās dēvoret.


ACCENT MARKS. Here is the text with ecclesiastical accents, plus some color-coding for the words of three or more syllables (blue: penultimate stress; red: antepenultimate stress):

Pastórem, qui gregem suum forte appulísset ad mare, cum cérneret illud stare plácidum et quiétum, cupíditas incéssit navigándi et mercatúras faciéndi. Vénditis ígitur óvibus suis, mercátur palmas et in navem impónit atque ita in altum provéhitur. Orta autem tempestáte, cum perículum esset, ne navis flúctibus deprimerétur, mércibus eiéctis in undas, aegre vácua navis fuit conserváta. Post dies paúculos, cum ad mare pastor tristis sedéret, praetereúnte quodam, et secum tranquillitátem maris, nam tempéstas abíerat, admiránte: Ego, inquit pastor, scio quid sibi velit haec maris tranquíllitas, nam álias palmas profécto quaerit, quas dévoret.


UNMARKED TEXT. Here is the unmarked text - after practicing with the marked text that you prefer, you should not have any trouble with the unmarked text:

Pastorem,
qui gregem suum
forte appulisset ad mare,
cum cerneret
illud stare placidum et quietum,
cupiditas incessit navigandi
et mercaturas faciendi.
Venditis igitur ovibus suis,
mercatur palmas
et in navem imponit
atque ita in altum provehitur.
Orta autem tempestate,
cum periculum esset,
ne navis fluctibus deprimeretur,
mercibus eiectis in undas,
aegre vacua navis fuit conservata.
Post dies pauculos,
cum ad mare pastor tristis sederet,
praetereunte quodam,
et secum
tranquillitatem maris,
nam tempestas abierat,
admirante:
Ego, inquit pastor, scio
quid sibi velit
haec maris tranquillitas,
nam alias palmas profecto quaerit,
quas devoret.



Here is an illustration from the Medici Aesop, which is online at the New York Public Library website.